Incident në Greqi/ Prifti sulmon Atin e Shenjtë: Papa, je heretik

Evropë

Incident në Greqi/ Prifti sulmon Atin e Shenjtë: Papa, je heretik

Më: 5 dhjetor 2021 Në ora: 15:49
Prifti orthodoks i është drejtuar me fjalët “Papa, je heretik”.

Vizita e Papa Françeskut në Qipro dhe Greqi nuk ka shkuar dhe aq e qetë sa ishte menduar.

Gjatë vizitës në pjesën greke të ishullit, mediat raportuan se një person i armatosur me thikë ishte arrestuar, teksa dyshohet se kishte plane të sulmonte Atin e Shenjtë.

Ndërsa në Athinë Papës i ka ndodhur një tjetër incident. Teksa ka hyrë në kishë, një prift orthodoks i është drejtuar me fjalët “Papa, je heretik”.

Siç duket edhe në video, menjëherë ka ndërhyrë siguria duke e rrëzuar priftin në tokë.

Katolikët dhe ortodoksët kanë qenë të përfshirë në dialog që synon ribashkimin eventual për dekada dhe bashkëpunojnë në shumë nisma sociale, por të dyja palët janë ende shumë larg në pikëpamje  teologjike.

Raportet e tyre kanë ende mprehtësinë e shekujve, sidomos në nivele të larta teologjike, dhe kjo u vu re së fundi në Greqi me priftin ortodoks që “çoi në zjarr” kreun e botës katolike.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat