VOA: Socialdemokrati Olaf Scholz merr postin e kancelarit

Evropë

VOA: Socialdemokrati Olaf Scholz merr postin e kancelarit

Më: 8 dhjetor 2021 Në ora: 15:56
Olaf Scholz u emërua nga presidenti dhe mori votat e parlamentit si kancelari i ri i Gjermanisë.

Ligjvënësit gjermanë zgjodhën të mërkurën socialdemokratin Olaf Scholz në postin e kancelarit, duke i dhënë fund qeverisjen16 vjeçare konservatore nën drejtimin e zonjës Angela Merkel. Koalicioni i ri qeveritar pro-evropian është zotuar të nxisë investimet për mbrojtjen e mjedisit. Zyrtarisht, zoti Scholz u emërua nga presidenti dhe mori votat e parlamentit si kancelari i ri i Gjermanisë.

63 vjeçari Olaf Scholz, i cili shërbeu si zëvendëskancelar dhe ministër i financave në qeverinë e zonjsë Merkel, mori një shumicë të qartë prej 395 votash, tha kryetarja e parlamentit gjerman Baerbel Bas.

“Votat pro, 395 ligjvënës”.

Në bazë të procedurave të parashikuara në kushtetutën e Gjermanisë, zoti Scholz u emërua zyrtarisht nga presidenti Frank-Walter Steinmeier në Pallatin Bellevue, përpara se të kthehej në parlament për të marrë votëbesimin dhe bërë betimin para ligjvënësve.

Kancelari dhe koalicioni i ri qeveritar përballen me sfida të mëdha ndërsa vendi po kalon një valë të katërt infeksionesh me koronavirus.

Përmes kulturës së tij të punës dhe qëndrimeve parimore, zoti Scholz e ka pozicionuar veten si pasardhësi i natyrshëm i zonjës Merkel dhe udhëheqësi i duhur për të drejtuar Gjermaninë përmes sfidave që variojnë që nga kriza klimatike e deri tek përballja me Rusinë dhe Kinën.

Qeveria e zotit Scholz merr detyrën me shpresa të mëdha për të modernizuar Gjermaninë dhe luftuar pandeminë që ka goditur rëndë vendin./VOA

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat