Dëbora bllokon rrugët në Greqi, qeveria nxjerr ushtrinë

Evropë

Dëbora bllokon rrugët në Greqi, qeveria nxjerr ushtrinë

Më: 24 janar 2022 Në ora: 23:37
Ilustrim

Reshjet e dendura të dëborës dhe ulja e temperaturave kanë sjellë probleme të shumta në Greqi, ku qeveria ka nxjerrë në rrugë ushtrinë për të ndihmuar në hapjen e rrugëve dhe largimin e mijëra automjeteve të bllokuara në akset e periferisë të Athinës.

Ndonëse autoritetet kishin paralajmëruar banorët që të shmangin lëvizjet e panevojshme, sërish mijëra grekë dolën në rrugë me automjetet e tyre por pa zinxhirë ose goma dimërore, duke krijuar kaos në trafik.

Më herët ministri i emergjencave civile Kristos Stilianidhis, tha se pritet një natë e vështirë në zonën e Atikës, Evias dhe ishujve të Egjeut.

Ministria e mbrojtjes dërgoi qindra forca ushtarake për të çbllokuar arteriet kryesore, ndërsa mbrojta civile u bëri apel banorëve të qëndrojnë në shtëpi pasi edhe gjatë 24 orëve të ardhshme situata pritet të jetë e njëjtë.

Autoritet vendosën që të martën të jenë të mbyllura të gjitha bizneset e zonave të prekura, ndërsa janë vënë në gatishmëri të plotë gjithë mekanizmat shtetëror.

Në Athinë u mbyllën shkollat zyra dhe institucione. Qeveria greke u ka bërë me dije punonjësve të administratës publike se për shkak të situatës së rënduar mund të mos shkojnë në punë gjatë ditës së martë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat