​Danimarka heq të gjitha masat antiCOVID, kjo është arsyeja

Evropë

​Danimarka heq të gjitha masat antiCOVID, kjo është arsyeja

Më: 27 janar 2022 Në ora: 15:42
Foto ilustrim

Danimarka planifikon të heqë pothuajse të gjitha kufizimet ndaj koronavirusit javën e ardhshme, pavarësisht niveleve rekord të infeksionit, njoftoi kryeministrja e vendit, Mette Frederiksen.

Nga 1 shkurti, danezët nuk do të duhet të mbajnë më maska ose të tregojnë një certifikatë vaksinimi në shumicën e vendeve, raporton atsh.

Qeveria e kryeministres Mette Frederiksen po ndjek udhëzimet e komisionit të kontrollit të sëmundjeve të vendit, i cili ka rekomanduar heqjen graduale të masave emergjente për të luftuar pandeminë.

Frederiksen e quajti lëvizjen një moment historik.

“Ne po u themi lamtumirë kufizimeve dhe i themi lamtumirë jetës që njihnim para koronavirusit. Mbulimi i lartë i vaksinimit doli të ishte një superarmë”, theksoi ajo.

Në Danimarkë, më shumë se 80 përqind e të gjithë popullsisë është e vaksinuar.

Gjysma e danezëve tashmë kanë marrë një dozë përforcuese.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat