Prag lufte në Ukrainë? Putini në panik, befasohet nga përgjigjja e Perëndimit për pushtimin

Evropë

Prag lufte në Ukrainë? Putini në panik, befasohet nga përgjigjja e Perëndimit për pushtimin

Nga: A.ZH Më: 27 janar 2022 Në ora: 21:09
Presidenti rus ka vendosur dhjetëra mijëra trupa dhe armatime pranë kufirit me Ukrainën

Presidenti i Rusisë Vladimir Putin, po mendon dy herë për pushtimin e Ukrainës pasi përgjigja perëndimore ndaj kërcënimit është "shumë më e fortë se sa që e priste ai". Presidenti rus ka dislokuar dhjetëra mijëra trupa dhe armatime pranë kufirit të Ukrainës.

Megjithatë, SHBA-ja ka vënë 8,500 trupa në një gatishmëri të shtuar për t'u mobilizuar në Evropë, derisa Britania e Madhe po shqyrton dërgimin e qindra trupave të tjera për të forcuar krahun e NATO-s, shkruan express.uk, përcjell Bota sot.

Duke folur mbrëmë, Këshilltari i parë i Sigurisë Kombëtare i Mbretërisë së Bashkuar Lord Peter Ricketts, tha se "reagimi perëndimor ndaj një pushtimi është më i fortë se sa priste Putini".

Image
Vladimir Putin po mendon dy herë për pushtimin e Ukrainës pas përgjigjes perëndimore ndaj kërcënimit

Ai tha: "Epo, Rusia e ka krijuar këtë krizë dhe unë mendoj se NATO ka absolutisht të drejtë t'i përgjigjet me vendosmëri asaj. Në fund është vendimi i Putinit nëse do ta përdorë këtë forcë apo jo".

Ricketts sugjeroi gjithashtu se Kina përbënte më shumë një kërcënim për Rusinë sesa Perëndimi, duke thënë: "Nëse do të isha si rusët dhe do të mendoja më gjatë, do të isha vërtet i shqetësuar për Kinën, në fakt."

"Unë mendoj se partnerët natyrorë të Rusisë janë në Perëndim të Evropës dhe Kina në terma afatgjatë me një popullsi masive më të madhe, një dinamizëm shumë më i madh ekonomik, është një kërcënim për Rusinë", shtoi ai, përcjell Bota sot.

Ai vazhdoi: “Putin ndonjëherë lavdërohet si një strateg i madh, nuk mendoj se është fare".

"Unë mendoj se ai është një taktik i madh, një oportunist, ai ka ndjerë një moment ndarjeje në Perëndim."

Aleatët e NATO-s janë bashkuar dhe kanë shqyrtuar mundësinë e krijimit të grupeve të reja beteje prej 1000 trupash në Rumani, Bullgari, Hungari dhe Sllovaki, sipas Sky News.

Mundësia e fundit - për të vendosur qindra forca të tjera britanike në Evropën Lindore - do të synonte të shmangte çdo pushtim të mundshëm./Botasot

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat