Në Holandë do të ulet taksa për benzinën dhe naftën
Çmimet e benzinës dhe dizelit në Evropë prej ditësh po rriten me shpejtësi rekord!
Qeveria e kryeministrit holandez Mark Rutte po ulë taksat e karburantit me 21 për qind. Do të thotë: Nga 1 prilli benzina do të jetë 17 centë më e lirë dhe nafta 11 cent.
Së shpejti holandezët do të duhet të paguajnë më pak për energjinë elektrike dhe gazin, sepse qeveria dëshiron të ulë TVSH-në për të dy mallrat nga 21 në 9 për qind.
Një litër benzinë aktualisht kushton mesatarisht 2.50 euro në Holandë. Nëse ulja e taksës do të hynte në fuqi sot, çmimi për litër do të zbriste në 2.37 euro.
Paketa prej miliarda euro përfshin edhe subvencione për faturat e rritura të energjisë elektrike dhe gazit: qytetarët më të varfër marrin 800 euro ndihmë nga shteti. Qeveria holandeze po vë në dispozicion një total prej 2.8 miliardë eurosh.
