Presidenti i Ukrainës Zelensky bëri thirrje për të gjithë njerëzit në mbarë botën që të dalin në rrugë të enjten, për të treguar mbështetjen e tyre për Ukrainën.
Lufta e Rusisë nuk ishte vetëm kundër Ukrainës, tha ai, por edhe kundër lirisë së njerëzve kudo – dhe bota duhej të ndalonte përdorimin e forcës nga Rusi, shkruanBBC, përcjell "Bota sot".
“Ejani nga zyrat tuaja, shtëpitë tuaja, shkollat dhe universitetet tuaja, ejani në emër të paqes, ejani me simbolet ukrainase për të mbështetur Ukrainën, për të mbështetur lirinë, për të mbështetur jetën”, tha presidenti.
Fjalimi i Zelensky erdhi disa orë përpara një samiti të NATO-s në Bruksel, ku vendet perëndimore pritet të bien dakord për dërgimin e përforcimeve në Evropën Qendrore dhe Lindore për të forcuar mbrojtjen e bllokut.
Presidenti amerikan Joe Biden do të marrë pjesë në takim në një ditë që do të shënojë një muaj nga fillimi i pushtimit rus.
