Boris Johnson kthehet në Britani të Madhe pas vizitës në Ukrainë

Evropë

Boris Johnson kthehet në Britani të Madhe pas vizitës në Ukrainë

Nga: A.SH Më: 10 prill 2022 Në ora: 16:10
Volodymyr Zelensky dhe Boris Johnson

Kryeministri britanik, Boris Johnson dje udhëtoi për në kryeqytetin ukrainas të Kievit për t'u takuar me Volodymyr Zelensky, raporton Sky News, përcjell Bota sot.

Vizita është përshëndetur si "e jashtëzakonshme" në një kohë lufte, ndërsa Zelensky u kërkoi të tjerëve "të jenë të guximshëm, si Boris-i" pas atij udhëtimit të papritur.

Downing Street këtë pasdite konfirmoi se Johnson ka mbërritur përsëri në Mbretërinë e Bashkuar dhe tani është në Chequers.

Një deklaratë përsëriti gjithashtu se kryeministri udhëtoi pjesërisht me tren në Ukrainë, gjë që u konfirmua në një video të publikuar nga mediat atje.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat