Kompania franceze e kozmetikës L'Occitane ka thënë se do të mbyllë dyqanet dhe faqen e saj të internetit në Rusi në një kthesë të vendimit të saj origjinal për t'i mbajtur ato të hapura, shkruan BBC, transmeton Bota sot.
Konsumatorët kishin kërcënuar se do të bojkotojnë markën, e cila tha se mbajtja e dyqaneve të hapura do të mbronte stafin nga "hakmarrja" e mundshme.
Por në një deklaratë të lëshuar të premten, firma e bukurisë tha se do të mbyllte dyqanet për shkak të "vuajtjeve të mëdha njerëzore dhe përshkallëzimit të veprimeve ushtarake në Ukrainë".
L'Occitane shitet në më shumë se 3,085 shitore me pakicë në mbarë botën dhe pati shitje prej 1.5 miliardë euro (1.3 miliardë £) vitin e kaluar.
Markat rivale të bukurisë L'Oreal dhe Estee Lauder janë në mesin e qindra kompanive ndërkombëtare që kanë mbyllur tashmë dyqanet dhe kanë ndërprerë shitjet online në Rusi në shenjë proteste ndaj luftës.
Përveçse ka implikime financiare, mbyllja e kompanive perëndimore në Rusi ka kuptim simbolik, pasi ato shtuan praninë e tyre në vend pas rënies së komunizmit në Bashkimin Sovjetik 30 vjet më parë.
