Burri që vrau gruan trondit me deklaratën: Ja pse e bëra!

Evropë

Burri që vrau gruan trondit me deklaratën: Ja pse e bëra!

Më: 24 qershor 2022 Në ora: 12:50
Burri që vrau gruan në Greqi

Greqia është tronditur nga vdekja e 46-vjeçares e cila u vra me thikë nga bashkëshorti i saj, i cili pasi e ka goditur me thikë ka telefonuar të birin dhe i ka thënë: Të vrava nënën.

Ndërkohë mediet greke kanë publikuar dëshminë e parë që 55-vjeçari me profesion kuzhinier dha për policët.

“Unë dhe Katerina ziheshim shpesh. Pak kohë më parë u largova nga shtëpia dhe mora me qira një apartament tjetër në zonë. Ditët e fundit jemi përpjekur të pajtohemi. U ktheva në shtëpi, por gjithçka shkoi keq. Kisha dalë më herët, piva dhe u ktheva në shtëpi. U grindëm sërish, mora thikën dhe e vrava”, ishin fjalët e para që kuzhinieri para policëve.

Sipas burimeve 55-vjeçari ishte dehur dhe në debat e sipër me të shoqen ka tentuar ta mbysë atë me duar, dhe më pas ka marrë thikën e kuzhinës, ku dhe e ka vrarë.

Kronika e vrasjes

Autori, sipas informacioneve, ka goditur me thikë bashkëshorten e tij 46-vjeçare, pas një debati që i kishte shkaktuar plagosjen fatale.

Gjithçka ka ndodhur pak pas orës 1 të natës në banesën në rrugën Matrozou në Koukaki dhe gruaja e vdekur është gjetur nga djali i saj i cili ka njoftuar menjëherë EKAB-in.

Sipas informacioneve, bashkëshorti është larguar nga shtëpia pas krimit, ndërsa në vendngjarje ndodhet policia e Sigurimit dhe mjekësia, të cilët do të bëjnë këqyrjen e trupit të gruas.

55-vjeçari pas vrasjes së bashkëshortes ka marrë makinën dhe teksa lëvizte në rrugën Athinë-Sunio në lartësinë e plazhit Thymari ka humbur kontrollin e mjetit, për pasojë është përplasur me gurët.

55-vjeçari më pas u transportua në spital ku po merr trajtim mjekësore.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat