Greqia blen 20 aeroplanë luftarakë amerikanë më modern F-35

Evropë

Greqia blen 20 aeroplanë luftarakë amerikanë më modern F-35

Më: 30 qershor 2022 Në ora: 16:50
Foto ilustrim

Greqia pritet që në ditët në vijim t’i dërgojë një kërkesë zyrtare Shteteve të Bashkuara për blerjen e 20 avionëve luftarakë F-35 nga kompania amerikane Lockheed Martin, njoftuan sot burime të Ministrisë së Mbrojtjes.

Greqia, një anëtare e NATO-s, shpenzon më shumë se 2 për qind të prodhimit të saj të brendshëm bruto për mbrojtjen. Vitet e fundit, ajo ka intensifikuar prokurimin e pajisjeve ushtarake për shkak të ripërtëritjes së tensioneve me fqinjin e saj, rivalin historik dhe aleatin e NATO-s, Turqinë.

“Dokumenti përkatës është nënshkruar”, tha një nga burimet. Dorëzimi i aeroplanëve do të fillojë gjatë vitit 2027 ose 2028.

Urdhri i blerjes është firmosur, raporton Televizioni Shtetëror Grek (ERT) dhe pritet të dorëzohet në Ambasadën e SHBA në Athinë këtë javë. Ky është hapi i parë në një proces me shumë faza.

Greqia dhe Turqia kanë qenë në konflikt për dekada për një sërë çështjesh – nga kalimi i Detit Egje, shtrirja e brezave të tyre kontinentale dhe kufijve detarë deri te burimet energjetike dhe një Qipro e ndarë etnikisht.

Kryeministri grek, Kyriakos Mitsotakis përmendi blerjen e një avioni F-35 gjatë një vizite në maj në Shtetet e Bashkuara.

Vitin e kaluar, Athina porositi 24 aeroplanë Dassault Rafale nga Franca për 2.5 miliardë euro dhe tre fregata detare me një opsion për një të katërt për rreth tre miliardë euro.

Televizioni shtetëror raporton se ministria e mbrojtjes dëshiron gjithashtu të vazhdojë blerjen e avionëve luftarakë F-16.

Shtetet e Bashkuara të mërkurën, një ditë pasi Ankaraja hoqi veton ndaj anëtarësimit të Finlandës dhe Suedisë në NATO, mbështeti një shitje të mundshme të avionëve luftarakë amerikanë F-16 në Turqi, duke thënë se aftësitë e forta mbrojtëse të Turqisë do të forconin mbrojtjen e Aleancës.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat