BE dhe Zelanda e Re arrijnë marrëveshjen e tregtisë së lirë

Evropë

BE dhe Zelanda e Re arrijnë marrëveshjen e tregtisë së lirë

Më: 30 qershor 2022 Në ora: 19:33
Foto ilustrim

Bashkimi Evropian dhe Zelanda e Re kanë përfunduar negociatat për një marrëveshje të tregtisë së lirë që mund të rrisë biznesin e dy partnerëve në fushën e mallrave dhe shërbimeve me 30 për qind.

Këtë e bëri të ditur presidentja e Komisionit Evropian, Ursula von der Layen, pas një takimi në Bruksel me kryeministren e Zelandës së Re Jacinda Ardern, e cila tha se kanë kaluar 14 vjet që kur u prezantua për herë të parë ideja për një marrëveshje të tillë.

Negociatat e tregtisë së lirë filluan në mesin e vitit 2018 dhe, për BE-në, marrëveshja do ta vendosë tregtinë e bllokut me Zelandën e Re në të njëjtin nivel me vendet që tashmë kanë një pakt tregtar me Zelandën e Re, veçanërisht ato nga Unioni Tregtar i Paqësorit 11-anëtarësh CPTPP .

Marrëveshja do të heqë taksat doganore për një gamë të gjerë produktesh dhe do të jetë e para e lidhur nga BE, e cila përfshin mundësinë e sanksioneve nëse secila palë shkel standardet mjedisore ose të punës.

Do të hiqen taksat doganore për eksportet nga BE të produkteve si mishi i derrit, vera, çokollata, ëmbëlsirat dhe biskotat.

BE-ja do të hapet për më shumë produkte qumështi dhe viçi nga Zelanda e Re, e cila është një zonë e ndjeshme për disa vende të BE-së.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat