Kryeministri i bullgar Kiril Petkov ka raportuar të premten për përparim të konsiderueshëm në përfundimin e dokumenteve për vënien në punë të interkonjeksionit të gazit Bullgari-Greqi.
“Pasi mbyllja e interkonektorit me Greqinë përfundoi më 8 korrik, tani mund të raportojmë progres të rëndësishëm në finalizimin e pjesës së dokumentacionit që nevojitet për fillimin e funksionimit të interkoneksionit”, tha Petkov në një konferencë shtypi në selinë e qeverisë.
Kompania e projektit, ICGB, ka premtuar sigurimin e një certifikate të funksionimit të projektit (Akti 16) në katër javët e ardhshme. Kjo certifikatë do të ulë çmimin e gazit që do të bartë interkonektori, tha Petkov.
Në konferencën për shtyp, ministri në largim i Energjisë, Aleksandër Nikolov shtoi se çmimi i gazit natyror mund të pritet të ulet ndjeshëm nga 1 tetori falë vënies në punë të interkonjeksionit.
Ai vazhdoi duke thënë se projekti është i rëndësishëm për të gjithë rajonin.
Ai tha se Bullgaria ishte vendi i parë që identifikoi Azerbajxhanin dhe furnizimet me gaz prej andej nëpërmjet korridorit jugor të gazit si një alternativë e mundshme ose garantuese e sigurisë energjetike në Evropën Juglindore.
Progresin drejt operimit komercial të interkonektorit e konfirmoi edhe kryeshefi i ICGB-së, Teodora Georgieva. Ajo kujtoi se rregullatorët e energjisë të Greqisë dhe Bullgarisë kanë certifikuar tashmë interkonektorin për funksionim komercial.
Interkonektori Greqi-Bullgari lidh rrjetet e transmetimit të gazit natyror të dy vendeve fqinje, duke siguruar kështu akses në Korridorin Jugor të Gazit dhe një sërë burimesh të reja gazi. Ai do të transportojë gaz nga Azerbajxhani nëpërmjet Gazsjellësit Trans Adriatik dhe nga burime të tjera nëpërmjet një terminali të planifikuar të gazit natyror të lëngshëm në Aleksandropolis, të Greqisë Veriore. Tubacioni i gazit është 182 km i gjatë, nga të cilët 151 km në Bullgari dhe 31 km në Greqi, me një kapacitet projektues deri në 3 miliardë cu m/vit, i cili mund të rritet në 5 miliardë cu m/vit nëse ka kërkesë tregu. Ai kalon nga Komotini (Greqia Verilindore) nëpërmjet Kurdjali, Haskovo dhe Dimitrovgrad në Stara Zagora (Bullgaria Juglindore).
Një memorandum mirëkuptimi për projektin u nënshkrua në vitin 2009 dhe një kompani e përbashkët, ICGB, u regjistrua në vitin 2011. Plani fillestar ishte vënia në punë e tubacionit në dhjetor 2014.
