​Ekonomia ruse tkurret ndjeshëm në tremujorin e dytë

Evropë

​Ekonomia ruse tkurret ndjeshëm në tremujorin e dytë

Më: 12 gusht 2022 Në ora: 23:54
Foto ilustrim

Ekonomia ruse është tkurrur në mënyrë të ndjeshme në tremujorin e dytë të këtij viti për shkak të sanksioneve perëndimore, bëhet e ditur sipas të dhënave zyrtare të publikuara nga institucionet e Moskës.

Prodhimi i Përgjithshëm Kombëtar u ul me 4.0% në periudhën mes muajit prill dhe qershor krahasuar me të njëjtën periudhë të vitit të kaluar, njoftoi zyra ruse e statistikave kombëtare, përcjell atsh. 

Ekonomistët kishin parashikuar një rënie të fortë të ekonomisë ruse me 4.7% dhe prodhimi ekonomik ka rënë sërish në nivelin e vitit 2018.

Të dhënat lidhur me ekonominë ruse në tremujorin e dytë të vitit pasqyrojnë plotësisht pasojat e agresionit kundër Ukrainës, që Rusia e ndërmori më 24 shkurt.

Për pasojë, vendet perëndimore në veçanti vendosën sanksione të ashpra kundër Moskës.

Në tremujorin e parë ekonomia ruse u rrit me 3.5%. Banka Qendrore ruse parashikoi pak kohë më parë se ekonomia kombëtare do të tkurret me 7.0% në tremujorin e tretë të këtij viti, ndërsa rënia ekonomike do të jetë edhe më e thellë në tremujorin e fundit.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat