Zelensky dhe Guterres takohen në Ukrainë

Evropë

Zelensky dhe Guterres takohen në Ukrainë

Më: 18 gusht 2022 Në ora: 18:03
Zelensky dhe Guterres

Duke shkruar në Telegram, Zelensky tha pas bisedimeve se “Vëmendje e veçantë iu kushtua temës së shantazhit bërthamor të Rusisë në NPP Zaporizhzhia (centrali bërthamor).

“Ky terror i qëllimshëm nga ana e agresorit mund të ketë pasoja katastrofike globale për të gjithë botën”, tha ai, raporton skynews.

Ai i bëri thirrje OKB-së që të garantojë sigurinë e objektit dhe të ndihmojë në çmilitarizimin dhe çlirimin e tij.

Ukraina ka akuzuar Rusinë për granatimet e uzinës në sulme me flamur të rremë, ndërsa Moska thotë se Ukraina është ajo që granaton objektin.

Udhëheqësi ukrainas shtoi se “Ne ramë dakord të vazhdojmë koordinimin e zbatimit të nismës së grurit. Ne diskutuam gjithashtu drejtimet e mundshme të zhvillimit të tij, çështjen e dëbimit të paligjshëm dhe të detyruar të ukrainasve, lirimin e personelit tonë ushtarak dhe mjekëve nga robëria”.

Ndryshe, presidenti turk, Recep Tayyip Erdogan pritet të takohet gjatë ditës së sotme me Zelenskyn në Ukrainë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat