Lideri i Partisë Laburiste të opozitës britanike, Keir Starmer, ka premtuar se do të ndryshojë shkurtimet e taksave të shpallura nga Partia Konservatore në pushtet, nëse laburistët fitojnë zgjedhjet parlamentare të planifikuara për 2024.
Laburistët, të cilët janë më të popullarizuar se konservatorët në pushtet në sondazhe, në ditën e parë të kongresit vjetor në Liverpool, u përqendruan kryesisht në kritikat ndaj shkurtimeve të përgjithshme të taksave të shpallura së fundmi nga kryeministrja e re Liz Truss.
Starmer ka premtuar të ndryshojë uljet e tatimit mbi të ardhurat për tatimpaguesit që fitojnë më shumë se 150.000 funte (168.000 euro) në vit. Ai vlerësoi se politika aktuale do të thotë që “të pasurit bëhen edhe më të pasur”.
Kreu laburist tha se nëse partia e tij vjen në pushtet, ai do të rikthejë taksën prej 45 për qind për fituesit më të lartë. Ministri i Financave Kwasi Kwarteng tha së fundmi se do të shfuqizohet nga prilli 2023.
