​Sllovakia jep “vizën” për hyrjen e Suedisë dhe Finlandës në NATO

Evropë

​Sllovakia jep “vizën” për hyrjen e Suedisë dhe Finlandës në NATO

Më: 27 shtator 2022 Në ora: 19:07
Foto ilustrim

Parlamenti sllovak ratifikoi sot hyrjen e Finlandës dhe Suedisë në NATO.

Këtë vit, Finlanda dhe Suedia kërkuan të anëtarësohen në NATO në përgjigje të pushtimit rus të Ukrainës.

Pasi Sllovakia ratifikoi anëtarësimin e këtyre dy vendeve në NATO, vetëm Hungaria dhe Turqia duhet të japin ende pëlqimin e tyre për zgjerimin e aleancës.

Sot, 126 nga 150 anëtarët e parlamentit sllovak mbështetën hyrjen e Finlandës dhe 124 anëtarësimin e Suedisë.

Ndërsa Aleanca e Atlantikut të Veriut forcon krahun e saj lindor, Sllovakia, e cila kufizohet me Ukrainën, ka rënë dakord të presë një grup beteje të NATO-s dhe qeveria e kryeministrit Eduard Heger e ka mbështetur fuqishëm Ukrainën që nga fillimi i luftës me Rusinë.

Sidoqoftë, mbështetja e publikut sllovak nuk është aq e qartë, treguan rezultatet e një sondazhi të kryer në shtator, sipas të cilit një shumicë e vogël mbështet Rusinë në luftën me Ukrainën.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat