Truss: BM nuk do t’i njohë kurrë aneksimet e Rusisë

Evropë

Truss: BM nuk do t’i njohë kurrë aneksimet e Rusisë

Më: 30 shtator 2022 Në ora: 14:40
Liz Truss

Britania e Madhe nuk do të pranojë kurrë aneksimin e katër rajoneve të Ukrainës pas referendumeve të mbajtura ditët e fundit nga Moska, deklaroi sot kryeministrja britanike Liz Truss, ndërsa akuzoi presidentin rus, Vladimir Putin për përdorim të forcës brutale për të ndryshuar kufijtë ndërkombëtarë.

“Vladimir Putin ka vepruar sërish në kundërshtim me ligjin ndërkombëtar, me një përbuzje të dukshme për jetën e popullit ukrainas që ai pretendon se përfaqëson”, thuhet në deklaratë.

“Britania e Madhe nuk do të injorojë kurrë vullnetin sovran të atyre banorëve dhe ne kurrë nuk do të pranojmë që rajonet e Donetskut, Luhanskut, Khersonit dhe Zaporizhias të jenë të një vendi tjetër përveç territorit ukrainas”, sipas deklaratës.

“Ne do të sigurohemi që Putini të humbasë këtë luftë të paligjshme”, shtoi Truss.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat