Ngjarje e rëndë/ 38-vjeçarja lidhet me zinxhirë dhe përdhunohet për 5 ditë nga partneri i saj

Evropë

Ngjarje e rëndë/ 38-vjeçarja lidhet me zinxhirë dhe përdhunohet për 5 ditë nga partneri i saj

Më: 2 tetor 2022 Në ora: 09:19
Dramës së saj i kanë dhënë fund fqinjët, të cilët në një moment kanë dëgjuar zëra dhe kanë lajmëruar policinë.

Një 38-vjeçare përjetoi momente tmerri për pesë ditë me radhë, pasi u mbajt e lidhur dhe u abuzua seksualisht me dhunë nga partneri i saj.

Ngjarja ndodhi në Nea Jon të Greqisë. Mediat greke raportojnë se partneri i saj 58-vjeçar e mbajti të lidhur gruan me zinxhirë për të paktën pesë ditë.

Dramës së saj i kanë dhënë fund fqinjët, të cilët në një moment kanë dëgjuar zëra dhe kanë lajmëruar policinë.

Pasi policia ka gjetur banesën dhe i kanë rënë ziles, 58-vjeçari ka hapur derën. I pyetur nga policia se çfarë “po ndodh këtu”, autori është përgjigjur “gjithçka është në rregull”. Policia, megjithatë, pa një grua brenda në shtëpi, e cila reagoi menjëherë duke bërë shenja.

Pas kontrollit të policisë në shtëpi, ndër të tjera u gjet një karabinë, për të cilën 58-vjeçari kishte leje, si dhe një armë ushtarake. 58-vjeçari u arrestua me akuzën e dhunës në familje, sulmit seksual, ndërsa ai mohoi akuzat.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat