Fundoset anija, Greqia i shpëton 30 emigrantë afër ishullit Kythira

Evropë

Fundoset anija, Greqia i shpëton 30 emigrantë afër ishullit Kythira

Më: 6 tetor 2022 Në ora: 00:53
Foto ilustrim

Autoritetet greke i kanë shpëtuar 30 emigrantë, anija e të cilëve është fundosur për shkak se e goditi një zonë shkëmbore në ujërat pranë ishullit Kythira të mërkurën, tha roja bregdetare.

Autoritetet kishin ndërmarrë një operacion për të shpëtuar rreth 100 emigrantë që kishin qenë në bord.

“Tridhjetë persona janë shpëtuar deri më tani. Operacioni po vazhdon në kushtet e motit të pafavorshëm”, tha një zyrtar i rojës bregdetare.

Roja bregdetare nuk dha informacione shtesë për viktimat e mundshme apo kombësinë e emigrantëve.

Kythira është një ishull që shtrihet përballë majës juglindore të gadishullit të Peloponezit.

Greqia ishte shteti i parë i krizës së migracionit të Evropës gjatë viteve 2015 dhe 2016, kur një milion refugjatë ikën nga lufta dhe varfëria në Siri, Irak dhe Afganistan.

Numri i ardhjeve të emigrantëve ka rënë ndjeshëm që atëherë, por përpjekjet për të hyrë në Greqi nga deti përmes ishujve vazhdojnë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat