Kriza energjitike/ Zvicra merr vendimin drastik

Evropë

Kriza energjitike/ Zvicra merr vendimin drastik

Më: 3 dhjetor 2022 Në ora: 09:45
Foto ilustrim

Zvicra do të ndalojë përdorimin e makinave elektrike për udhëtime ‘jo thelbësore’ nëse vendit i mbaron energjia elektrike këtë dimër, ka njoftuar qeveria.

Planet e emergjencës të hartuara në rast se zviceranët goditen nga ndërprerjet e energjisë kërkojnë gjithashtu që orët e hapjes së dyqaneve të reduktohen deri në dy orë në ditë, sistemet e ngrohjes në klubet e natës të fiken dhe ndërtesat e tjera të ngrohen në jo më shumë se 20 gradë Celsius.

Masat e krizës mund të ndalojnë shërbimet e transmetimit dhe pajisjet e videolojërave, dritat e Krishtlindjeve mund të fiken dhe të gjitha stadiumet sportive dhe objektet e natyrave të ngjashme të mbyllen.

Qeveria zvicerane i trembet një mungese të energjisë në muajt e ardhshëm, sepse është tejet e varur nga importet për ta përballuar atë gjatë dimrit, pasi vendi merr rreth 60% të energjisë së tij nga hidrocentralet, të tilla si digat nëpër lumenj ose gjeneratorët e vendosur midis liqeneve.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat