Oligarku i prodhimit të vodkës me emrin e presidentit rus, Vladimir Putinit është arratisur nga Rusia teksa lufta në Ukrainë është ndezur.
Miliarderi Vasily Anisimov zotëronte licencën për markën e vodkës Putinka, me emrin e diktatorit.
Tani të dhënat e kompanisë në Londër tregojnë se ai ka ndryshuar kohët e fundit shtetësinë nga ruse në kroate.
Dhe raportohet se është shpërngulur në Zvicër pesë vjet pas kthimit për të jetuar në vendlindje, raporton themirror.
Putin ka qortuar rusët e pasur që kanë ikur jashtë vendit pasi ai po udhëheq vendin në një luftë të kushtueshme me Ukrainën.
Anisimov, 71 vjeç, i cili nuk ka folur për lëvizjen e tij, është një nga të paktët manjatë të afërt me Putinin që nuk është sanksionuar në Perëndim, megjithëse Ukraina e futi atë në listën e saj.
Manjati i vodkës me pasuri që vlerësohet të jetë 1.52 miliard euro thuhet se është shumë i afërt me Arkady Rotenberg, një miliarder dhe i besuar i ngushtë i Putinit, transmeton Telegrafi.
Anisimov ishte një partner biznesi me Alisher Usmanov miqësor ndaj Kremlinit, një ish-aksionar në klubin e anglez të futbollit Arsenal, i cili, si Rotenberg, është sanksionuar.
Ai ishte gjithashtu i afërt me Putinin përmes arteve marciale dhe ishte president i Federatës Ruse të Xhudos për 12 vjet përpara se të largohej papritur në tetor për arsye familjare.
Interesat e tjera kryesore të biznesit të manjatit janë minierat, kimikatet, metalet, nafta dhe gazi, si dhe pasuritë e paluajtshme.
Megjithatë, vetëm muajin e kaluar, presidenti rus nderoi ish-shefin e termocentralit bërthamor – edhe pse më parë ai mori nënshtetësinë e huaj.
Putini i dha Anisimov në muajin tetor medaljen, “Urdhri i Meritës për Atdheun”, një dekoratë prestigjioze shtetërore.
Atij iu dorëzua medalja për “kontributin në zhvillimin e kulturës fizike dhe popullarizimin e sporteve kombëtare”.
Babai i katër fëmijëve e bëri pasurinë kryesisht në alumin në vitet 1990, pasi zotëroi për një kohë të shkurtër termocentralin bërthamor Kalinin, një dekadë më parë.
Ish-pronari i prodhuesit të aluminit OAO Sual ka pasur lidhje me miliarderin, Arkady Rotenberg, një mik i vjetër i Putinit, i cili ishte ndër ata të sanksionuar nga SHBA pas aneksimit të Krimesë nga Rusia.
Anisimov nuk ka folur publikisht për lëvizjen e supozuar. Por ai nuk është i vetmi që ka paketuar valixhet dhe është larguar nga Rusia.
Yuri Milner, një nga 15 njerëzit më të pasur në Rusi, u largua nga vendi në vitin 2014 dhe hoqi dorë përgjithmonë nga shtetësia e tij.
Ruben Vardanyan, një ish-drejtor ekzekutiv dhe aksioner i bankës së investimeve Troika Dialog, hoqi dorë prej shtetësinë ruse.
