Zelensky shpallet “Njeriu i Vitit” nga prestigjozja Time

Evropë

Zelensky shpallet “Njeriu i Vitit” nga prestigjozja Time

Më: 7 dhjetor 2022 Në ora: 14:28
Presidenti i Ukrainës, Volodymyr Zelensky

Presidenti i Ukrainës, Volodymyr Zelensky, dhe “shpirti i Ukrainës” janë shpallur “Njeriu i Vitit” për vitin 2022 nga revista Time.

Presidenti ukrainas Zelensky, 44 vjeç, është quajtur hero nga shumë njerëz në vendin e tij dhe jashtë saj, dhe gjatë vitit të kaluar, u cilësua si një simbol i sfidës dhe demokracisë, ndërkohë që ai vazhdon të udhëheqë kombin përmes sulmeve të paprovokuara të Rusisë ndaj Ukrainës.

Revista shpalli zgjedhjen e saj ekskluzivisht sot, 7 dhjetor.

“Suksesi i Zelenskyy si udhëheqës është mbështetur në faktin se guximi është ngjitës. Ai u përhap përmes lidershipit politik të Ukrainës në ditët e para të pushtimit, pasi të gjithë e kuptuan se Presidenti nuk ishte larguar,” tha reporteri i Time Simon Shuster.

Forcat ruse pushtuan Ukrainën më 24 shkurt dhe Zelensky refuzoi të largohej nga Kievi, për të qëndruar në terren dhe për të mbështetur popullin e vendit të tij. “Lufta është këtu; Unë kam nevojë për armë, jo për një udhëtim”, tha Zelenskyy sipas një postimi në Twitter të shpërndarë nga ambasada ukrainase e Britanisë më 26 shkurt.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat