Një kolonel rus i identifikuar me emrin Roman Veneviti ka dhënë së fundmi një dëshmi tronditëse teksa pretendon se mercenarët e grupit mercenar 'Wagner' po përdhunojnë, rrëmbejnë dhe torturojnë ushtarët e Vladimir Putinit. Veneviti i cili u kap pranë qytetit të sulmuar ukrainas të Bakhmut, pretendoi se ishte torturuar nga mercenarët ëagner, pavarësisht se ishte në të njëjtën anë të luftës së Rusisë, shkruan Daily Mail.
“Mercenarët e Wagner vodhën dy tanke T-80, 4 topa, një kamion KAMAZ dhe automjete të blinduara. Kishte rrëmbime të ushtarakëve tanë, kur ata u keqtrajtuan fizikisht dhe u poshtëruan. Një nga oficerët e vegjël të batalionit tonë u rrëmbye dhe u torturua. Ai u mbajt lakuriq në një dysheme të ftohtë në një bodrum.
Ata spërkatën acid në sytë e tij, kështu që ai humbi përkohësisht shikimin, u lagu me benzinë dhe [ata] u përpoqën ta digjnin. Një nga ushtarakët u rrah dhe u përdhunua nga mercenarët e ëagner. Ai nuk mundi t'i mbijetonte poshtërimit dhe vrau veten”, tha Venevitin.
Venevitin tha se ushtarët e rrëmbyer rusë iu kthyen ushtrisë së Putinit në këmbim të municioneve, të cilat Wagner pretendon se ministri i Mbrojtjes Sergei Shoigu nuk ia kishte siguruar atyre.
