Lente për farmacistët nëpër spitale në Belgjikë

Evropë

Lente për farmacistët nëpër spitale në Belgjikë

Më: 4 maj 2024 Në ora: 10:37
Foto ilustrim

Në barnatoren e një spitali të Belgjikës ka nisur përdorimi i një pajisjeje e cila u ndihmon farmacistëve për të përgatitur saktë ilaçet e porositura nga repartet nëpër spitale. Gabimet që mund të ndodhin gjatë përgatitjes së ilaçeve të porositura mund të jenë katastrofale prandaj ato duhet të jenë zero.

Furnizimi me barna i reparteve e njësive të një spitali, nga barnatorja qendrore nuk është punë e lehtë. Gabimet mund edhe të ndodhin e pasojat mund të jenë katastrofale. Për të eliminuar plotësisht një gabim eventual, në një spital në Liege të Belgjikës, ka nisur testimi i një instrumenti që është quajtur “lentja e lidhur”.

Kjo pajisje apo ky mjet u ndihmon farmacistëve për të përgatitur porositë për ilaçet. Shkalla e gabimit në Hopital de la Citadelle aktualisht është 1 në 100.

Ky instrument përbëhet nga një ekran i vogël, i gjatë rreth 2cm, që është e vendosur apo e lidhur në një lloj shiriti për kokë. Ajo vendoset para njërit sy dhe është e lidhur me një pajisje tjetër sikur orë dore me të cilën bëhet skanimi i ilaçit për t’u vërtetuar se është ilaçi i duhur.

Qëllimi i këtij sistemi është zvogëlimi i mëtejshëm i gabimeve të mundshme që lidhen me listat e porosive.

Këtë pajisje, sipas planeve do të duhet ta përdorin të gjithë farmacistët në të gjitha spitalet deri në fund të këtij viti.

comment Për komente lëvizni më poshtë
Sot mund të lexoni Shfletoni kopertinat