Referendumi kontrovers në Zvicër: Ligji vendas, mbi atë ndërkombëtar - Bota Sot
Referendumi kontrovers në Zvicër: Ligji vendas, mbi atë ndërkombëtar

Evropë

Referendumi kontrovers në Zvicër: Ligji vendas, mbi atë ndërkombëtar

Më: 25 nëntor 2018 Në ora: 13:59
Zvicër

Zviceranët i duan referendumet, por një propozim që iu është bërë votuesve në lidhje me sovrantetin e vendit, të dielën, ka zemëruar pothuajse të gjithë spektrin politik dhe mund të prekë marrëdhëniet e Zvicrës me BE-në, e madje edhe me Kombet e Bashkuara.

Propozimi për të cilin zviceranët janë thirrur në referendum kërkon që ligji zviceran të marrë precedencë mbi ligjin dhe marrëveshjet ndërkombëtare. E për mbështetësit e tij, kjo do t’iu jepte zgjedhësve zviceranë fjalën e fundit mbi çdo çështje.

“Kjo është ajo që ne duam. Jemi ne, ata që e dimë se çfarë ndodh në Zvicër, e jo një gjykatë e huaj”, tha një mbështetës i referendumit.

Qeveria zvicerane është kundër, e po ashtu edhe partitë kryesore politike dhe një koalicion prej 120 organizatash të shoqërisë civile.

“Është një kal troje. Nuk ka të bëjë me ruajtjen e sovranitetit tonë, por me dobësimin e të drejtave themelore në Zvicër”, tha një kundërshtues i referendumit.

Image

Kundërshtarët besojnë se propozimi mund t’iu lejojë zgjedhësve të dalin nga dhjetëra angazhime ndërkombëtare mbi të drejtat e njeriut, të drejtat e fëmijëve apo tregtinë.

Zvicra nuk është vend anëtar i BE-së, por ka nënshkruar pjesën më të madhe të politikave të saj, përfshirë lëvizjen e lirë. E vetmja gjë, që në të vërtetë nuk argumentohet nga zviceranët, është sistemi i tyre i demokracisë së drejtpërdrejtë.

Edhe pse pjesëmarrja në referendume është ndonjëherë e ulët, njerëzit nuk ankohen përse thirren shpesh në votime. Ata madje votojnë disa herë për të njëjtën çështje. Demokracia e drejtpërdrejtë këtu do të thotë që kushdo mund të paraqesë një ide për votim, nëse arrin të mbledhë 100 mijë firma.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...