Referuar raportimeve nga mediat angleze, të cituara edhe në vendin fqinj, Itali, sikurse bën “Calciomercato.com”, faqja e specializuar në lëvizjet e merkatos, Liverpool ka fiksuar çmimin për bomberin e “Të kuqve”, Mohamed Salah.
Kampionët në fuqi të Europës, njëherësh nënkampionë të Premier League, Liverpool i ka vënë sulmuesit egjiptian etiketën që mban çmimin 200 milionë euro.
Në të vërtetë trajneri i “Të kuqve”, Jurgen Klopp e konsideron bomberin e skuadrës të pashitshëm, ndaj dhe çmimi i vendosur është menduar i tillë për të larguar klubet pretenduese për të siguruar shërbimet e egjiptianit në këtë merkato vere.
