Ylli i Liverpool, Virgil van Dijk është “i nderuar” që të konsiderohet kandidat për Topin e Artë, dhe beson se votuesit do të marrin vendimin e duhur, por insiston se ai është i përqëndruar vetëm në përmirësimin dhe shërbimin si shembull për lojtarët më të rinj në klub .
Dikur mbrojtësi më i shtrenjtë në botë para transferimit të Harry Maguire në Manchester United, Van Dijk arsyetoi çdo cent që u pagua për të sezonin e kaluar.
Van Dijk ndihmoi klubin duke pësuar më pak gola në Premierligë dhe fitoi Ligën e Kampionëve.
“Natyrisht, unë jam i nderuar të përmendem si kandidat për të fituar Topin e Artë, por mënyra e vetme që mund të ndikoj në të është të përqendrohem vetëm në të luajturit mirë”, u tha Van Dijk gazetarëve.
“Unë nuk votoj, por jam i sigurt se ata që e bëjnë do të dalin me vendimin e duhur kur koha është e duhur. Nëse jam zgjedhur, atëherë do të jem shumë i nderuar. Por, nëse nuk jam zgjedhur, atëherë nuk do të jetë fundi i botës”.
“Të gjithë kanë mendimin e tyre, por ndihem mirë, ndihem i aftë dhe mund të vazhdoj të përmirësohem”, tha ai.
