Për Fabio Cannavaron, Diego Armando Maradona është futbollisti më i mirë i të gjitha kohërave.
Ish fituesi i Kupës së Botës me Italinë,ka vlerësuar Lionel Messin, por mendon se Maradona, ka qenë një tjetër nivel.
Kjo deklaratë e Cannavaros, vjen kur bota vazhdon debatin se kush është futbollisti më i mirë në histori të futbollit.
“Unë e respektoj shumë Messin”, ka deklaruar Cannavaro për Sky Sports.
“Për gjeneratën e re ai është një nga më të mirët”.
“Por, Maradona është ndryshe sepse futbolli ishte ndryshe. Ata e goditën atë shumë, por gjithmonë ishte nën kontroll dhe ishte i ashpër”.
“Messi është në krye por Maradona ishte nga një botë tjetër. Unë kurrë nuk e krahasoj atë me lojtarët e tjerë. Unë kurrë nuk e pash Pelen por pash Maradonën, për shtatë vjet çdo ndeshje”.
“Ai nuk është një nga më të mirët, ai është më i miri”.
