Kek mbetet selektor i Sllovenisë deri në vitin 2024

Futboll

Kek mbetet selektor i Sllovenisë deri në vitin 2024

Nga: K.Goca Më: 3 dhjetor 2021 Në ora: 18:10
Kek mbetet selektor i Sllovenisë deri në vitin 2024

Drejtuesit e Federatës së Futbollit të Sllovenisë kanë vazhduar zyrtarisht kontratën me përzgjedhësin Matjazh Kek, i cili do ta drejtojë kombëtaren sllovene në ciklin e ardhshëm të kualifikimeve për Kampionatin Evropian 2024 dhe në Ligën e Kombeve.

“Me nënshkrimin e kontratës me përzgjedhësin Kek, ne vetëm e zyrtarizuam atë që ishim marrë vesh në të kaluarën, përkatësisht Kek do të mbetet përzgjedhës deri në përfundim të kualifikimeve për Kampionatin Evropian 2024”, tha presidenti i Federatës së Futbollit të Sllovenisë, Radenko Mijatoviq.

Me 16 dhjetor Sllovenia do t'i mësojë emrat e kundërshtarëve të saj në Ligën B të Ligës së Kombeve. Shorti do të hidhet në Nyon. 

Kundërshtarët e mundshëm të kombëtares sllovene janë Ukraina, Suedia, Bosnja dhe Hercegovina, Islanda, Finlanda, Norvegjia, Skocia, Rusia, Izraeli, Rumania, Serbia dhe Irlanda.

Përzgjedhësit e kombëtares sllovene nga viti 1991

Bojan Prashnikar (1991–1993)
Zdenko Verdenik (1994–1997)
Bojan Prashnikar (1997–1998)
Sreçko Katanec (1998–2002)
Bojan Prashnikar (2002–2004)
Branko Oblak (2004–2006)
Matjazh Kek (2007–2011)
Sllavisha Stojanoviq (2011-2012)
Sreçko Katanec (2013–2017)
Tomazh Kavçiç (2017–2018)
Matjazh Kek (2018–2024)

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat