Serbia nëpër kohë bëri referate, elaborate dhe memorandume ogurzeza mbi shqiptarët!…

Historia

Serbia nëpër kohë bëri referate, elaborate dhe memorandume ogurzeza mbi shqiptarët!…

Nga: Sami Arifi Më: 5 shtator 2022 Në ora: 14:50
Autori Sami Arifi

Në mesin e shumë të përmendurve janë edhe dy emra mjaft të rëndësishëm për shkrimet dhe angazhimet e tyre antishqiptare, Ivo Andriqi dhe Vasa Qubrilloviqi, i pari laureat i çmimit Nobel për letërsi e diplomaci, ndërsa i dyti zyrtar i lartë i organeve shtetërore të para dhe pas Luftës së Dytë Botërore të shtetit serbo-jugosllav…

Referati dhe plani ogurzi i Vasa Qubrilloviqit për „Shpërnguljen e Arnautëve“ si dhe për të aqshtquajturën „Pakicat në Jugosllavinë e re“ dhe Elaborati i Ivo Andriqit „Për Shqipërinë“ shprehin hapur udhëzimet për zhdukjen dhe shfarosjen e shqiptarëve përmes mekanizmave shtetërore të shtetit gjenocidial serb…

Ivo Andriqi ishte Krye shef i seksionit politik në Ministrinë e Punëve të Jashtme të Mbretërisë së Jugosllavisë.

Në vend që ata (Andriqi dhe Qubrilloviqi) të ashtuquajtur „intelektual“ të shprehin përmes pendimit veprën kriminale që bëri Serbia ndaj shqiptarëve, ata ishin vetë projektuesit e këtyre veprave kriminale mbi shqiptarët…

Shteti serb ka kryer veprime kriminale mbi popullin shqiptar, ku, urdhërdhënësit ishin qeveri, ministri ushtri dhe polici si dhe ekzekutorët të nxitur nga organet zyrtare të shtetit serb i kryen urdhërata duke bërë krime të papara ndaj shqiptarëve… në Toplicë, Nish, Pirot e në shumë qytete tjera të banuara me shqiptarë gjatë viteve 1876, 1877 dhe 1878.

Gjithashtu edhe gjatë viteve 1912, 1918, 1925 u bë gjenocid dhe krime të papara mbi shqiptarët në tërë territoret shqiptare përmes projekteve në formën zyrtare të dokumentuara si referate e elaborateve antishqiptare, ku këta pseudo intelektual lartësoheshin në piedestal të nderit „kinse“ për patriotizmin serb, ku, veprimet ogurëzeza përmes këtyre dy emrave Ivo Andriqit dhe Vasa Qubrilloviqit e shumë viqve të tjerë që ishin ideator për të bërat e Serbisë, ata njëherit ishin edhe urdhërdhënësit në qeveri, ministri, ushtri dhe polici si dhe nxitësit me urdhra të ekzekutorëve që i kryen urdhrat duke bërë krime të papara ndaj shqiptarëve…

Serbia e tanishme edhe sot fare nuk ka ndërruar nga e kaluara e saj që, ajo ishte si shtet gjenocidial nëpër kohë, ajo ishte dhe mbeti po ajo Serbi me qëllime kriminale që bëri në të kaluarën kundër popujve të tjerë, e në veçanti kundër shqiptarëve…

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat