Ju ndoshta e keni dëgjuar si një refren gjatë gjithë jetës suaj, faktin se sa i rëndësishëm është gjumi gjatë natës dhe shkenca e mbështet këtë gjë. Gjumi i plotë, nga shtatë deri në nëntë orë, e përgatit trupin për një mori përfitimesh pozitive.
Hulumtimet tregojnë se nëse flini një orë më shumë gjumë çdo ditë, kjo zvogëlon rrezikun e sëmundjeve të zemrës dhe diabetit, rrit imunitetin dhe ulë nivelet e depresionit. Por, së bashku me kohën që kaloni në shtrat, zakonet e tjera të gjumit si ora e të shkuarit në shtrat apo zgjimi në mëngjes janë të gjithë faktorë që ndikojnë jo vetëm në shëndetin, por edhe në peshën tuaj.
Një studim i botuar në numrin e janarin e këtij viti në "Journal of Activity, Sedentary, and Sleep Behaviors" konstatoi se ndryshimi i orarit të gjumit dhe zgjimi, si edhe koha totale e gjumit ndikojnë në treguesit shëndetësore dhe peshën trupore.
Studimi përfshiu 3698 njerëz, të moshës 46-vjeçare që mbanin monitorë aktiviteti për të gjurmuar zakonet e zgjimit dhe gjumit për dy javë. Më pas u vlerësua presioni mesatar i gjakut, indeksin e masës trupore (BMI), nivelin e yndyrës së barkut, nivelet e glukozës dhe insulinës dhe kolesterolin për të parë sesi gjumi ndikoi në këto tregues. Ajo që studiuesit zbuluan ishte se zakonet e parregullta të gjumit rezultuan në tregues më të dobët shëndetësor, veçanërisht për njerëzit që nuk lëviznin shumë gjatë gjithë ditës.
Por, nëse një nga prioritetet tuaja është humbja e peshës ose ruajtja e asaj aktuale për njerëzit që ndryshonin ndjeshëm orarin e gjumit u pa që kishin perimetër më të lartë të belit dhe nivel më të lartë yndyrash.
Nëse dëshironi të mbani një peshë normale me kalimin e moshës, sigurohuni që t'i jepni përparësi gjumit, sidomos fjetjes dhe zgjimit në orar.
