Tridhjetë ditë paraburgim për policin në Gjilan - Bota Sot
Tridhjetë ditë paraburgim për policin në Gjilan

Kronikë e zezë

Tridhjetë ditë paraburgim për policin në Gjilan

Më: 16 shkurt 2019 Në ora: 13:07
Foto ilustrim

Gjykata Themelore në Gjilan ka aprovuar kërkesën e Prokurorisë Themelore të Gjilanit, duke i caktuar masën e paraburgimit prej 30 ditësh të pandehurit I. Sh.

I pandehuri i cili është zyrtar policor, dyshohet se nga qershori i vitit 2016 e deri në maj të vitit 2018, me qëllim të përfitimit të kundërligjshëm pasuror për vete, përmes telefonit në vazhdimësi ka shantazhuar të dëmtuarën A. S., duke kërkuar nga ajo para, në të kundërtën do të publikonte fotografitë intime, të cilat do të dëmtonin nderin dhe autoritetin e saj.  

“Gjithashtu, i dyshuari ka ushtruar dhunë fizike ndaj saj, ashtu që për shkak të një mosmarrëveshje, e ka goditur me grushte në kokë dhe pjesë të trupit, duke i shkaktuar lëndime trupore, për të cilat e dëmtuara ka kërkuar tretman mjekësor në Emergjencën e Spitalit Regjional në Gjilan. Me këto veprime i pandehuri I. Sh. ka kryer veprat penale, shantazh dhe lëndim i lehtë truporë, vepra të sanksionuara me Kodin Penal të Republikës së Kosovës (KPRK). Gjyqtari i procedurës paraprake në Departamentin e Përgjithshëm, pas shqyrtimit të shkresave të lëndës, ka konsideruar se janë përmbushur kushtet ligjore për caktimin e masës së paraburgimit ndaj të pandehurit”, thuhet në komunikatën e gjykatës.

Palët kanë të drejtën e ankesës ndaj këtij vendimi në Gjykatën e Apelit.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...