Për shkak të lëndimeve që kishte marrë sot në aksidentin që ka ndodhur në Rrugën B në Prishtinë, njëra nga dy të aksidentuarat ka ndërruar jetë në QKUK.
Lajmin e ka konfirmuar zëdhënësi i Policisë së Kosovës për rajonin e Prishtinës, Agron Borovci.
“Rreth orës 22:00, policia ka pranuar konfirmimin nga QKUK-ja, se njëra nga dy të aksidentuarat L.A. 30 vjeçe, duke mos mundur t’u përballojë lëndimeve të marra ka ndërruar jetë”, ka thënë Borovci.
Aksidenti ka ndodhur sot rreth orës 16:00 në rrugën B, ku një veturë ka goditur dy këmbësore, të cilat me lëndime të rënda trupore janë dërguar në QKUK për trajtim mjekësor.