Të mërkurën hëna e plotë e njohur si “Hëna e Gjuetarit” do të dominojë qiellin e natës dhe shumë prej jush mund ta kenë më të vështirë të flenë, një fenomen i njohur si pagjumësia hënore.
Hëna e plotë e tetorit merr emrin e saj “Hëna e Gjuetarit” sepse shfaqet në qiell gjatë kohës ideale për gjuetinë e gjahut ashtu siç kishin planifikuar njerëzit për muajt e ftohtë të ardhshëm.
Sipas ekspertëve të gjumit dhe astrologut Inbaal Honigman, hëna e plotë mund të ndikojë negativisht në gjumin tuaj, i njohur si pagjumësia hënore.
Nga kontrolli i baticave deri te ndikimi i modeleve të sjelljes së kafshëve, hëna ka një lidhje të thellë me planetin tokë, shkruan Mirror.
Sipas një analize të studimit të gjumit nga shkencëtarët në Zvicër, mund t’ju duhet pesë minuta më shumë për të fjetur gjatë një hëne të plotë.
“Trupi mesatar përbëhet nga 70 përqind ujë. Nëse hëna mund të lëvizë oqeane të tëra, imagjinoni efektin që ka në trupat tanë kur përpiqemi të relaksohemi”, ka shpjeguar Honigman.
Sipas së njëjtës analizë, personi mesatar fle për 20 minuta më pak natën e hënës së plotë.
Sipas një studimi tjetër katërvjeçar gjatë hënës së plotë, u zbulua se aktiviteti i trurit i lidhur me gjumin e thellë ra me 30 përqind. Kjo është një pjesë qendrore e ciklit të gjumit-zgjimit të trupit pasi ndihmon trupin tuaj të sinkronizohet me natën dhe ditën.
