Lidhjet mbarojnë, por kjo s’do të thotë se ato kanë dështuar

Life style

Lidhjet mbarojnë, por kjo s’do të thotë se ato kanë dështuar

Më: 20 tetor 2021 Në ora: 23:04
Foto ilustrim

Ka shumë standarde për matjen e “suksesit” të një marrëdhënieje. Orgazma. Pushimet. Dhuratat. Koha e kaluar së bashku. Këngët e luajtura gjatë shëtitjeve me makinë. Ndjesitë.

Me këtë në mendje, martesa ose të qenit “së bashku përgjithmonë” nuk duhet të jetë standardi i artë i asaj që duam me dikë ose të mendojmë se nëse kjo nuk ndodh, atëherë lidhja dështoi.

“Qëllimi” i dashurisë mund të jetë thjesht të kalosh një kohë të mirë. Mund të jetë ta lini veten të ndjejë gjëra që nuk i keni ndjerë prej kohësh, ose kurrë më parë. Mund të jetë marrja e dikujt që ju intereson në restorantin tuaj të preferuar dhe ndarja e pjesëve të vetes për të cilat nuk e kishit kuptuar se dikujt tjetër do t’i interesonin ndonjëherë.

Qëllimi i dashurisë mund të jetë të mësosh për grupe dhe libra të rinj. Mund të jetë të vizitoni një shtet që nuk do ta kishit parë kurrë ndryshe, apo të blini veshje “matchy”. Të provoni diçka që ju frikëson ose që është e pakëndshme, por të dini kur të thoni “jo”. Qëllimi mund të jetë thjesht të mësosh se si të largohesh kur të përfundojë, të vlerësosh atë që kishe, duke e lënë atë aty ku qëndron.

Ose mund të dashurosh për hir të dashurisë në vetvete. Dashuria – të jesh në të, ta japësh, ta marrësh, ta ndjesh atë – ky mund të jetë qëllimi i vetëm i lidhjes. Për sa kohë që zgjat, në çfarëdo sasie që vjen.

“Lëvizja në drejtime të ndryshme nuk pakëson bukurinë e kohës kur ishit në të njëjtin vend.”

Kjo perspektivë nuk është vetëm për të lehtësuar dhimbjen nga ndarjet; është për të ndihmuar në zgjedhjet më të mira në të tashmen dhe të ardhmen.

Nuk ka asnjë çmim për të qëndruar në një marrëdhënie më gjatë se sa dëshironi, vetëm sepse keni frikë të “dështoni” ose nuk doni të përballeni me të afërmit gjatë pushimeve.

Ndonjëherë marrëdhëniet kanë data skadimi. Ndonjëherë jo.

Pavarësisht se si përfundojnë gjërat, kur qëllimi është “dashuri për dashurinë” në vend të “dashurisë përgjithmonë”, fundi i një marrëdhënieje nuk do të thotë dështim.

Ndarja nuk do të thotë që keni humbur kohën tuaj ose të tyre, dhe lëvizja në drejtime të ndryshme nuk pakëson bukurinë e kohës kur ishit në të njëjtin vend.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat