Truket për t’u kujdesur për lulet më kërkuese dhe më të bukura – yjet e Kërshëndellave

Life style

Truket për t’u kujdesur për lulet më kërkuese dhe më të bukura – yjet e Kërshëndellave

Më: 5 dhjetor 2021 Në ora: 08:19
Foto ilustrim

Periudha e dimrit nuk mund të imagjinohet pa lulet poinsettia, të cilat janë shumë të bukura dhe i zbukurojnë shtëpitë

Poinsettia ka nevojë për një temperaturë prej 18 deri në 21 gradë për zhvillimin e duhur. Temperatura nuk duhet të bjerë kurrë nën 12 gradë, sepse do të humbasë gjethet.

Duhet të shmangni blerjet në markete, ku temperatura, sidomos në dimër, është dukshëm më e ulët.

Kushtojini vëmendje edhe mbrojtjes së luleve gjatë transportit, madje edhe ftohja afatshkurtër mund ta dëmtojë atë.

Gjethet janë shumë delikate, ndaj bëni kujdes që të mos i dëmtoni.

Kur yjet e Kërshëndellave i sillni në shtëpi, është mirë t’i vendosni në një vend të ndritshëm me dritë të mirë dielli dhe lagështi.

Mos harroni temperaturën, ajo nuk duhet të jetë më e lartë se 21 deri në 22 gradë, përndryshe gjethet do të zverdhen dhe do të bien.

Poinsettia e do dheun me lagështi, kështu që nuk mund ta lëmë të thahet shumë, bima do të “marrë” aq ujë sa i nevojitet.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat