Kanë ikur kohët kur hidhnit këmishën tuaj të preferuar thjesht sepse nuk mund të hiqnit dot një njollë.
Epo, me fat për ju, një grua ka ndarë tri mënyra të ndryshme që ajo përdor për të hequr ato njolla të bezdisshme dhe për t’i bërë rrobat tuaja të duken krejt të reja.
Adhuruesja e pastrimit Chantel Mila ndau një video ku demonstron tri metoda të ndryshme që ajo përdor kur trajton njollat.
Por çdo metodë bazohet në llojin e njollës që është.
Grim
Nëse njolla shkaktohet nga grimit ose produktet vetë-rrezitëse, ajo rekomandoi përdorimin e sapunit të enëve dhe ujit micellar. Hidhni me kujdes pak ujë dhe një sasi të vogël sapuni pikërisht sipër njollës. Pasi të jenë aplikuar të dy produktet, kapni një furçë dhe përdorni atë për të përzier butësisht tretësirën më tej. Dhe kështu, ajo tregoi bluzën e saj pa njolla, gati për t’u larë si zakonisht.
Bojë
Opsioni i dytë u krijua për njollat e lëna në mënyrë specifike nga boja. Fillimisht aplikoni pak alkool për fërkim ose llak flokësh dhe më pas lajeni si zakonisht. Rrobat tuaja do të mbeten krejt të reja!
Ushqim
Dhe së fundi, për ato njolla kokëfortë të ushqimit ose yndyrës, ajo sugjeroi përdorimin e vajit të eukaliptit. Ajo shkroi: “Mund të përdoret si para-trajtim ose në larje”.
E tëra çfarë ju duhet të bëni është të shtoni disa pika në lavatriçe dhe rrobat duhet të duken krejt të reja.
