Sindromi i Uendit: Sindromi kur ne harrojmë veten tonë, ndërkohë që ndihmojmë të tjerët

Life style

Sindromi i Uendit: Sindromi kur ne harrojmë veten tonë, ndërkohë që ndihmojmë të tjerët

Më: 26 maj 2022 Në ora: 14:52
Foto ilustrim

E njihni sindromin e Uendit? Flasim për një gjendje të veçantë, në të cilën gjendet një femër, e cila ndjen nevojën për t’i ndihmuar të tjerët, ndërkohë që harron veten e saj. Ky sindrom prek shumë femra, por qëato shpesh nuk e kuptojnë kur preken prej tij. 

Të gjithë ne e njohim Uendin, protagonisten femër në filmin vizatimor  “Peter Pan”, e cila kujdeset për Peter Panin, protagonistin mashkull që nuk donte të rritej dhe të mbante përgjegjësitë që i takonin. Këtëgjë ai e arrinte me Uendin, emri i së cilës është pëdorur për të emëruar këtë sindrom. 

Personat që vuajnë nga ky sindrom, ndiejnë një nevojë të fortë për t’u kujdesur për të tjerët. Këtë gjë e bëjnë jo sepse ia kërkon dikush, apo se ia imponon jeta, por thjesht sepse e ndiejnë të nevojshme. Këta persona përkushtohen aq shumë ndaj të tjerëve, sa që shpesh harrojnë edhe veten e tyre, lumturinë, dëshirat, ëndrrat, objektivat dhe jetën e tyre në përgjithësi. Sepse për ta, nevojat e të tjerëve janë më tërëndësishme se sa vetë ata. Madje duan ta bëjnë këtë gjë, pasi e shohin si një mënyrë për të treguar dashuri dhe mirësi. Femrat që vuajnë prej këtij sindromi, shpesh dashurohen me meshkuj që vuajnë nga sindromi i Peter Pan. Këta janë meshkuj që nuk duan të rriten, nuk duan të mbajnë përgjegjësi për fjalët dhe veprimet e tyre. Janë mëshkuj të papjekur. 

Dashuria është e bukur në momentin që na lejon të jemi vetvetja në një çift. Ndaj, për të qenë vetvetja, nuk duhet kurrsesi të harrojmë veten tonë për të tjerët. Një dashuri e vërtetë është ajo që na mundëson tëjemi të lumtur, jo që na zbeh totalisht në përpjekje për të ndihmuar personin tjetër.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat