Të gjitha ne, të paktën një herë të vetme në jetën tonë, i jemi nënshtruar tundimit për të prerë balluket. I kemi prerë vetë, apo shoqja, motra ose, në rastin më të mirë nga parukierja e besuar, pak rëndësi ka!
Balluket janë një zakon i bukurisë që na referon menjëherë në kinema dhe në mitet e modës si Jane Birkin dhe Brigitte Bardot, tek hijeshia e këtyre divave rebele që nuk dalin kurrë nga tendenca!
Lajm i mirë është se për ato që duan ta provojnë përsëri, balluket janë rikthyer më në modë se kurrë! Sidomos gjatë pranverës së këtij viti, me shumë gjasë do i shihni kudo!
Të prera drejt, me një skaj më të gjatë, me anësore më të theksuara, me gjatësi mesatare apo të shkurtra fare, në versionin bob, zgjedhjet janë të shumta dhe të larmishme!
Ju sigurojmë që ky lloj modeli flokësh është rikthyer fuqishëm për të pushtuar dukjen tuaj dhe për ta bërë atë sa më interesant, sezonin tjetër!
Këtu keni disa foto, ndaj merrni dozën e duhur të frymëzimit që ju duhet për të bërë edhe ju prerjen apo modelin që ju shkon më shumë! Gati?
