A e përdorni edhe kremin e natës duke aplikuar në pika në ballë, faqe dhe hundë dhe duke e përhapur shpejt në fytyrë?
Ta dini që po gaboni!
Kremi duhet të aplikohet nga periferia e fytyrës deri në qendër, jo vetëm duke e përhapur, por duke goditur butësisht me majat e gishtave, duke bërë lëvizje rrethore përgjatë vijave të kullimit limfatik.
Bëhet fjalë për linjat nëpër të cilat rrjedh lëngu limfatik dhe që ka për detyrë të përcjellë në gjak proteina, kripëra dhe substanca të tjera.
Presioni duhet të jetë me intensitet mesatar. Kremi duhet të aplikohet nga hunda në anët e faqeve, nga qendra e ballit deri te tëmblat, nga mjekra te veshët.
Kremi për sytë, i cili është një produkt special, duhet të aplikohet nga këndi i brendshëm i syrit deri në periferi – edhe në vijën e kullimit limfatik.
Është gjithashtu shumë e rëndësishme të aplikoni kremin në lëkurë të pastër, mundësisht të lagur paraprakisht me një tonik pa alkool.
Lëkura e lagur thith më mirë përbërësit aktivë të kremit. Dhe nuk keni pse të aplikoni shumë – mjafton një sasi sa bizele për secilën pjesë të fytyrës.
Gjithashtu rekomandohet të prisni që lëkura të thithë plotësisht kremin përpara se të flini, afërsisht një ose dy orë para se të shkoni në shtrat. Në këtë mënyrë do të shmangni që një pjesë e kremit të mbetet në jastëk.
