Një burrë ka rrëfyer problemet seksuale me gruan e tij.
Ai në një rrëfim për psikologen e “The Sun” tregoi se si partnerja e tij nuk dëshiron të bëjë seks me të.
Kjo gjë e ka shqetësuar atë, pasi vite më parë ajo kishte bërë të njëjtën gjë, ku më pas kishte zbuluar se po e tradhtonte.
Frika se mund të përsëritet e njëjta histori, ka filluar ta shqetësoj burrin, transmeton “Bota sot”.
Rrëfimi i plotë
Ne ishim të fejuar në prag për t’u martuar, por krejt papritur e fejuara ime e ‘la’ seksin.
Isha i frustruar, pastaj u mërzita kur zbulova arsyen pse - ajo po bënte seks me një ish.
Kjo gjë ndodhi më shumë se 20 vjet më parë, por kujtesa ende më lë të ndihem i dobët dhe i pambrojtur.
Unë jam 48 vjeç tani dhe gruaja ime është 49. Ne arritëm të rregullojmë marrëdhënien tonë sepse u përballa me të dhe ajo u pastrua, duke më lutur falje.
Ajo tha se e kishte zënë paniku për t'u vendosur. Prindërit e saj nuk kishin një marrëdhënie të mirë dhe ajo ishte e shqetësuar se mos e mbyllte veten në një të ardhme të mjerueshme.
Që atëherë ne të dy punuam shumë për martesën tonë dhe kemi pasur vite të tëra lumturie me djalin dhe vajzën tonë.
Por së fundmi, gruaja ime më ka refuzuar sërish dhe nuk dëshiron më të bëjë seks.
Nëse përpiqem ta prek, ajo ngrin dhe tërhiqet. Po me vret.
Po sjell kujtime të tmerrshme të kohës kur ajo mashtroi më parë.
Dua të di nëse ajo po i shmanget seksit me mua sepse është duke fjetur me një burrë tjetër, ashtu siç ka bërë gjithë ato vite më parë.
Në rastet kur ajo pranon të bëjë seks, ndiej se po e bën atë sepse i vjen keq për mua, ose e sheh atë si një mënyrë për të devijuar dyshimet e mia.
Çfarë mund të bëj?
Në një farë mënyre nuk dua ta pyes nëse po tradhton sërish, sepse nuk mendoj se do ta përballoj këtë realitet për herë të dytë. Ishte kaq e tmerrshme hera e parë.
Përgjigjja e psikologes: Në moshën 49-vjeçare ka shumë të ngjarë që gruaja juaj të jetë në menopauzë.
Një nga simptomat më të zakonshme është ulja e dëshirës seksuale.
Shumë gra gjithashtu përjetojnë dhimbje kur kryejnë marrëdhënie sepse ndryshimi i hormoneve rezulton në thatësi vaginale.
Pra, në vend që të hidheni në përfundimin më të keq, filloni të flisni me gruan tuaj dhe ta pyesni se si ndihet.
Gjithashtu do të ishte mirë të inkurajoni gruan tuaj që të vizitojë mjekun e saj dhe të diskutojë trajtimin e zëvendësimit të hormoneve.
Paniku në heshtje nuk do të ndihmojë askënd, ndaj bëjini të ditur se ju mungon intimiteti që keni ndarë dikur.
Të gjithë çiftet do të përjetojnë luhatje në epshin e tyre, gjë që është krejtësisht normale.
Stresi, depresioni, ndryshimet shëndetësore ose problemet në marrëdhënie mund të ndikojnë në mënyrën se si një çift po lidhet seksualisht.
