Dashi
Ka rrezik që marrëdhënia në çift të jetë paksa delikate gjatë kësaj dite. Do të keni debate të forta në disa momente dhe gjërat nuk do të ecin ashtu siç i kishit menduar. Beqarët do të kenë takimet e ëndërruara dhe shumë shpejt mund të fillojnë një histori dashurie serioze. Financat do të jenë gjatë gjithë kohës të mbrojtura, prandaj nuk do të keni për çfarë të shqetësoheni.
Demi
Ditë mjaft premtuese kjo e sotmja për planin sentimental. Do të kaloni çaste fantastike pranë atij që dashuroni dhe do të ndiheni për mrekulli pranë njëri-tjetrit. Beqarët ka gjasa të realizojnë disa takime, por nuk do të mund të shkojnë më tej sesa një aventurë momentale. Në planin financiar do të tregoheni shumë të kujdesshëm dhe nuk do të bëni asnjë çmenduri.
Binjakët
Gjërat do të ecin mjaft mirë sot në planin sentimental. Nuk do të prekni në asnjë moment temat delikate, përkundrazi do të preferoni të flisni vetëm për gjëra pozitive dhe të dashuroheni me pasion. Beqarët ende do ta kenë të vështirë të fillojnë një lidhje të qëndrueshme, megjithatë nuk duhet të refuzojnë ftesat që do t’u bëhen. Në planin financiar duhet shtrënguar paksa rripi i shpenzimeve.
Gaforrja
Ka shumë mundësi që të bëni çmenduri gjatë kësaj dite në jetën tuaj në çift, në mënyrë që të dashuroheni plot pasion me personin që keni në krah. Beqarët do të afrohen mjaft me një person që prej kohësh i joshi, por që deri tani nuk ua kishte mbushur mendjen sa duhet. Financiarisht, situata do të jetë delikate dhe do të jeni gjatë gjithë kohës në ankth.
Luani
Do të jeni shumë të arsyeshëm sot në jetën tuaj në çift dhe nuk do të bëni asnjë lloj gabimi në komunikimin me partnerin. Pritet që dita të jetë e qëndrueshme. Beqarët do të jenë të parrezistueshëm dhe nuk do t’u shpëtojnë propozimeve të veçanta. Më pas, çdo gjë do të jetë në dorën e tyre. Financat do të jenë të mira dhe nuk pritet as problemi më i vogël.
Virgjëresha
Ditë e përshtatshme për të folur gjatë mbi lidhjen tuaj dhe për të marrë vendime të rëndësishme kjo e sotmja. Yjet do të krijojnë ambientin e duhur. Beqarët do të jenë gati të fillojnë histori dashurie me ata persona që prej kohësh ua kanë kërkuar këtë gjë. Financat nuk do të kenë ndryshime të mëdha, megjithatë situata pritet të mos jetë tejet problematike.
Peshorja
Do të kërkoni të jeni gjatë gjithë kohës dominues në jetën sentimentale dhe kjo gjë nuk do t’i pëlqejë aspak personit që keni në krah. Beqarët do të kenë vetëm mundësi për aventura kalimtare, asgjë më tepër. Në planin financiar do të keni disa ulje dhe ngritje. Në asnjë mënyrë nuk duhet të merrni para hua nga persona që nuk u keni besë.
Akrepi
Nëse doni që lidhja juaj të jetë sa më e bukur dhe emocionuese, duhet që herë pas here të toleroni dhe të bëni ndonjë çmenduri të vogël. Beqarët do të kenë një ditë të zakonshme dhe pa propozime. Nuk ka ardhur ende momenti që ata të ndryshojnë status. Financat do të jenë më të mira se disa ditë më parë, falë mbështetjes së të afërmve dhe menaxhimit tuaj të mirë.
Shigjetari
Komunikimi në çift do të jetë më i mirë gjatë kësaj dite dhe do të kuptoheni për mrekulli me atë që keni në krah. Në këtë mënyrë do të mund të zgjidhni edhe ndonjë problem të vogël që keni pasur. Beqarët do të kenë takime emocionuese, por kur t’i njohin më mirë personat, do të zhgënjehen. Në planin financiar do të gjeni një mënyrë shumë të mirë për të rritur të ardhurat.
Bricjapi
Çiftet do t’i japin edhe më shumë rëndësi jetës intime dhe do të mundohen ta surprizojnë partnerin. Gjithçka do të bëhet më emocionuese tashmë. Beqarët, duan apo jo, do ta ndryshojnë statusin. Kjo gjë është vendosur tashmë nga planetët. Në planin financiar do të keni fat dhe do të arrini ta përmirësoni gjendjen. Kjo do të krijojë mundësi për të kryer edhe ndonjë investim.
Ujori
Nuk do të mund ta duroni dot më rutinën e jetës në çift gjatë kësaj dite dhe ka rrezik të bëni ndonjë gabim të pafalshëm. Mos përfitoni nga liria që ju ka dhënë partneri. Beqarët do të realizojnë takime pa fund, por nuk do të arrijnë dot të vendosin me kë do të vazhdojnë më tej. Në planin financiar, mos kërkoni të pasuroheni me metoda të jashtëligjshme, sepse keni për të humbur akoma më shumë.
Peshqit
Sot do t’i shihni gjërat me një sy tjetër në planin sentimental. Partneri do t’ua shprehë pa fund ndjenjat dhe ju do ta lini veten të lirë, duke përfituar kështu nga çdo sekondë. Beqarët nuk do ta kenë shumë mendjen te dashuria, pasi do të kenë çështje të tjera më të rëndësishme. Financat do të jenë të stabilizuara dhe nuk do të keni asgjë për çfarë të shqetësoheni.
