Xhaferi në Asamblenë e 143-të të Unionit ndërparlamentar në Madrit

Maqedonia

Xhaferi në Asamblenë e 143-të të Unionit ndërparlamentar në Madrit

Më: 27 nëntor 2021 Në ora: 15:32
Talat Xhaferi

Delegacion i Kuvendit i kryesuar nga kryetari Talat Xhaferi do të marrë pjesë në Kuvendin e 143-të të Unionit Ndërparlamentar (UNP), i cili do të mbahet prej sot deri më 29 nëntor të vitit 2021 në Madrid, Spanjë.

Në përbërje të delegacionit janë deputetë, anëtarë të Delegacionit në UNP: Dime Velkovski, Nikolla Micevski, Eli Panova, Arbër Ademi dhe Skender Rexhepi.

Siç kumtoi pres shërbimi kuvendor, në Asamblenë e 143-të të UNP-së pritet të marrin pjesë rreth 1100 përfaqësues nga mbi 120 shtete anëtare të Unionit, si dhe më shumë se 40 kryetarë parlamentesh.

“Tema kryesore e diskutimit në Asamblenë e 143-të të UNP-së është “Sfidat bashkëkohore për demokracinë – tejkalimi i ndarjes dhe ndërtimi i bashkësisë”. Komisionet e UNp-së do të diskutojnë një sërë çështjesh brenda kompetencave të tyre, duke përfshirë: rishikimin dhe ripërcaktimin e qasjes ndaj proceseve të paqes me qëllim promovimin e paqes së qëndrueshme; përdorimi i teknologjive të informacionit dhe komunikimit si katalizator për sektorin e arsimit, veçanërisht në kohë pandemie; legjislacioni në mbarë botën për të luftuar shfrytëzimin seksual dhe abuzimin e fëmijëve në internet; Fushata globale e vaksinimit për t’i dhënë fund pandemisë Kovid-19: mësime nga OBSH dhe OBT dhe të ngjashme”, theksojnë nga Kuvendi.

Në kuadër të Asamblesë së 143-të të UNP-së, seanca do të mbajnë “Forumi i grave deputete” dhe “Forumi i deputetëve të rinj”.

Ky është Asambleja e parë e UNp-së që nga fillimi i pandemisë, e cila mbahet me praninë fizike të pjesëmarrësve, me masa dhe protokolle gjithëpërfshirëse shëndetësore.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat