Diabeti, ja fruti që ul nivelet e sheqerit në gjak

Mjekësi alternative

Diabeti, ja fruti që ul nivelet e sheqerit në gjak

Më: 1 maj 2021 Në ora: 23:25
Foto ilustrim

Njerëzit në fazë fillestare diabeti, kanë nivele më të larta se normalja të sheqerit në gjak, por ato nuk janë ende aq të larta sa të diagnostikohen si diabetikë. E theksojmë, "akoma". Paradiabeti mund të zhvillohet dhe të kalojë në diabet nëse nuk ka ndryshime në dietën dhe mënyrën e jetesës së një personi

Po jetojmë në kohëra të vështira, frike, ankthi dhe pasigurie. Në qendër të vëmendjes është koronavirusi SARS-CoV-2. Por ndërsa jemi duke u kujdesur mos na kapë korona, po lëmë mënjanë telashe të tjera me shëndetin.

Diabeti është një prej tyre dhe për më tepër rrit rrezikun e COVID-19).

Një nutricionist që është fokusuar te dietat për diabetikët, ka disa lajme interesante për një frut të veçantë.

Diabeti: Çfarë i bën avokado sheqerit në gjak?

Avokadot konsiderohen si superushqim dhe jo me të padrejtë. Ato janë plot me vitamina, lëndë ushqyese dhe acide yndyrore të pangopura të shëndetshme për zemrën.

Avokadot mund t’ju bëjnë të ndiheni më të ngopur për më shumë kohë, ulin kolesterolin dhe madje mund të ndihmojnë në parandalimin e kancerit.

Profesori i Shkencës së Ushqimit, Dr. Paul Spanguolo argumenton se avokadot janë një ushqim kryesor si për diabetikët ashtu edhe për para-diabetikët. Të gjitha përfitimet e lartpërmendura të avokados ofrojnë një bazë të shëndetshme, shpjegon ai, por një zbulim i fundit nga ekipi i tij sjell shumë optimizëm për rregullimin e niveleve të sheqerit në gjak.

Avocatin B (AvoB) është një bioaktiv që gjendet natyrshëm në avokado, thotë Dr. Spanguolo. "Mendoni për bioaktivët siç mendoni për lëndët ushqyese që marrim nga ushqimet e tjera: ne marrim acide yndyrore omega-3 nga ngrënia e peshkut dhe vitamina C nga portokallet. "AvoB është një përbërës bioaktiv në avokado, i cili mund të jetë një zgjedhje e rëndësishme dietike për diabetikët dhe para-diabetikët."

Sheqeri në gjak: Si funksionon bioaktivi Avocatin B

Dr. Spanguolo thotë se ky bioaktiv mund të përdoret për të mbajtur një metabolizëm të shëndetshëm, nivele të shëndetshme të sheqerit në gjak, por edhe nivelet e insulinës dhe peshën e trupit tek të rriturit. Këto faktorë janë të rëndësishëm për të gjithë, por janë thelbësorë për diabetikët dhe para-diabetikët.

"Kur metabolizmi juaj po funksionon si duhet, gjithçka është e ekuilibruar", thotë Dr. Spanguolo. “Keni nivele ideale të sheqerit në gjak, kolesterol të mirë, presion të gjakut, etj. Por nëse metabolizmi juaj është i pamjaftueshëm, atëherë ju digjni glukozë ose yndyrë, në sasi më shumë se njëra-tjetra, duke shkaktuar akumulimin e kujtdo prej tyre në gjakun tuaj."

Shkenca thotë se çekuilibri i sheqerit në gjak mund të ketë një ndikim të thellë dhe negativ në shëndetin tonë. Kjo dukuri mund të ndikojnë në nivelet tona të energjisë, përqendrimin, gjendjen shpirtërore dhe shumë më tepër. Dhe për diabetikët, një nivel i paekuilibruar i sheqerit në gjak mund të çojë në komplikime edhe më serioze shëndetësore, të tilla si ataku në zemër dhe goditja në tru.

AvoB mund të ndihmojë në ekuilibrimin e niveleve të sheqerit në gjak. Kjo është arsyeja pse Dr. Spanguolo rekomandon përdorimin e avokados në dietën ushqimore, së bashku me shumë fruta, perime, drithëra dhe proteina, veçanërisht proteina bimore.

Së bashku me konsumin e reduktuar të sheqerit dhe karbohidrateve, si dhe rritjen e aktivitetit fizik, avokado mund të ndihmojë në parandalimin e diabetit.

commentFirst article
Sot mund të lexoni Shfletoni kopertinat