Nëse po tentoni të ngelni shtatzënë, duhet të dini se fertiliteti (pjelloria) mund të ndikohet nga ushqimi, duke filluar me mëngjesin. Kjo tezë mbështetet nga Dr. Gemma Fabozzi, embriologe klinike dhe nutricioniste në qendrën B-Woman në Romë.
Një mëngjes i shëndetshëm promovon ngjizjen
Sipas ekspertes, ka disa ushqime nga vakti i parë i ditës që mund të lehtësojnë arritjen e shtatzanisë natyrore ose përmes fekondimit të asistuar. Për këtë fazë delikate në jetën e grave, Dr. Fabozzi rekomandon:
konsumoni karbohidrate, proteina dhe yndyrna të ndara në një mënyrë të ekuilibruar;
preferoni përbërës më natyralë dhe origjinalë kundrejt atyre industrialë;
hidratoni siç duhet trupin duke pirë ujë mineral, çajra bimorë dhe qumësht. Nga ana tjetër, pijet industriale duhet të shmangen.
Çfarë të pini: një gotë ujë të ngrohtë me limon para ushqimeve të ngurta; pas rreth 15 minutash, një çaj bimor të bërë në shtëpi me feta xhenxhefili, limoni dhe gjethe mente; një gotë qumësht të plotë, nëse vërtet nuk mund të bëni pa të.
Çfarë të hani:
– Bukë të thekur;
– biskota të papërpunuara shumë;
– krem bajame;
– salcë me ullinj e rigon;
– salmon i egër i tymosur;
– vaj ulliri ekstra i virgjer;
– avokado.
Kur prisni një fëmijë, dieta duhet të jetë e thjeshtë, e larmishme, e ekuilibruar dhe e pasur me të gjithë elementët ushqyes thelbësorë për zhvillimin fiziologjik të fetusit, siç janë kalciumi, hekuri dhe acidi folik.
