Nga Samsung thonë se deri në vitin 2025 telefonat e palosshëm do të jenë “standardi i ri” i telefonave të mençur

Mobile

Nga Samsung thonë se deri në vitin 2025 telefonat e palosshëm do të jenë “standardi i ri” i telefonave të mençur

Më: 14 gusht 2022 Në ora: 16:43
Foto ilustrim

Telefonat e mençur të palosshëm më në fund kanë tërhequr vëmendje me Galaxy Z Fold 3, por më shumë vëmendje ka tërhequr Galaxy Z Flip 3. Tani, teksa raundi tjetër i këtyre telefonave del në treg, Samsung beson se brenda disa viteve të ardhshme, telefonat e paalosshëm do të bëhen telefonat e mençur premium më të njohur të markës.

9to5Google raporton se kreu i Samsung, Roh Tae-moon gjatë një konference në New York gjatë kësaj jave tha se kompania beson se brenda disa viteve të ardhshme, telefonat e palosshëm do të përbëjnë mbi “50 për qind” të telefona premium të shitur nga Samsung. Më konkretisht, Samsung beson se ky ndryshim do të ndodhë deri në vitin 2025.

“Deri në vitin 2025, telefonat e palosshëm do të përbëjnë mbi 50 për qind të dërgesave të telefonave të mençur premium të Samsung. Telefonat e palosshëm do të bëhen standardi i ri i telefonave të mençur”, deklaroi Roh Tae-moon.

Samsung, natyrisht, se aktualisht është lider në tregun e telefonave e mençur të palosshëm. Ky raport citon të dhënat nga Omdia ku thuhet se Samsung ka shitur rreth 7.1 milionë njësi të kombinuara të Galaxy Fold 3 dhe Z Flip 3, në tregun që në total përbëhet nga rreth 9 milion njësi në total, dhe përpara lansimit të Fold 4, Samsung pretendon se 10 milionë telefona të palosshëm janë shitur në mbarë botën nga të gjithë prodhuesit.

Megjithatë, 7.1 milionë njësi të shitura janë larg të qenit si linja më e popullarizuar e Samsung për nga vëllimi. Kompania ka bërë dërgimin e rreth 271.5 milionë pajisje në vitin 2021, shumica e tyre e përbërë nga pajisje të përballueshme dhe të rangut të mesëm.

Por në anën e sektorit premium, Samsung aktualisht është më afër se sa shumë prej jush mund ta mendoni.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat