Një kopsht me mure i Apple është një “realitet” në reklamën më të fundit nga Samsung – dhe në kufijtë e atij kopshti nuk ka telefona të palosshëm. Ata po vijnë plotësisht, por ju duhet të prisni. “Kjo është ajo që ne bëjmë, ne presim”, thotë karikatura e një përdoruesi të Apple brenda kësaj reklame.
Gjigandi korean i teknologjisë beson se ka lexuar mirë udhërrëfyesin e Apple kur bëhet fjalë për pajisjet e palosshme – vlerësimet e brendshme thuhet se tregojnë për një lansim debutues në 2024.
Ky tifoz imagjinar i Apple nga reklama do të duhet të presë dhe të shikojë tek lansohen Galaxy Z Fold5 dhe Z Fold6, dy gjenerata të Z Flips gjithashtu, përpara se Cupertino të nxjerrë në treg pajisjen e vet të palosshme, kjo nëse vlerësimet e Samsung janë të sakta.
Thënë kjo, pajisja e parë e palosshme e Apple mund të mos jetë as telefon – si Samsung ashtu edhe analistët e pavarur besojnë se do të jetë një pajisje e tipit iPad. Kështu që tifozi i Apple mund të duhet të presë edhe më gjatë për një iPhone të palosshëm.
Meqë ra fjala, GSM Arena thotë mos u bazoni shumë në këtë duel, i cili po bazohet në reklama mes gjigantëve të teknologjisë – është thjesht reklamë për ta. Disa vite më parë Samsung publikoi reklama që talleshin me Apple për heqjen e portit të kufjeve, më pas i fshehu në heshtje teksa hoqi po të njëjtin port nga Galaxy Note10.
