Gafa: Pacienti shkon në spital për të prerë këmbën, mjekët i presin të gabuarën

Ndryshe

Gafa: Pacienti shkon në spital për të prerë këmbën, mjekët i presin të gabuarën

Më: 1 dhjetor 2021 Në ora: 23:45
Pacientit të moshuar i është hequr këmba e djathtë në vend të së majtës dhe gafa është zbuluar vetëm dy ditë më vonë

Një i moshuar në Austri u vu para vendimit për të prerë këmbën e majtë për shkak të formës së rënduar të diabetit. Për këtë iu drejtua një klinike dhe një mjeku kirurg.

Problemi është se një neglizhencë e paprecedentë bëri që pacientit t’i pritej këmba e gabuar. Pacientit të moshuar i është hequr këmba e djathtë në vend të së majtës dhe gafa është zbuluar vetëm dy ditë më vonë.

Të mërkurën, gjykata në Linz e shpalli fajtore kirurgen 43-vjeçare për neglizhencë të rëndë dhe e gjobiti me 2,700 euro. E veja e pacientit, e cila vdiq para se çështja të mbërrinte në gjykatë, gjithashtu përfitoi 5000 euro dëmshpërblim.

Pacienti u paraqit klinikën në Freistadt majin e kaluar për t'i amputuar këmbën, por kirurgia i preu këmbën e gabuar. Gabimi u identifikua gjatë një ndërrimi rutinë të fashës dhe pacientit iu tha se do t'i duhej të pritej edhe këmba tjetër.

Në atë kohë, spitali tha se incidenti kishte ndodhur si "rezultat i një sërë rrethanash fatkeqe". Drejtori i spitalit kërkoi falje publike në një konferencë shtypi.

Në gjykatë, kirurgia tha se kishte pasur një defekt në zinxhirin komandues në sallën e operacionit. E pyetur pse kishte shënuar këmbën e djathtë dhe jo të majtën, ajo tha: “Thjesht nuk e di”.

Që nga ngjarja, ajo është zhvendosur në një klinikë tjetër. Raste të tilla janë të rralla, por ka pasur incidente të ngjashme në të kaluarën. Në vitin 1995, një mjek në SHBA zbuloi në gjysmë të operacionit se ai ishte duke i prerë këmbën e gabuar një pacienti me diabet. Ai u detyrua ta çonte deri në fund operacioni pas prerjes së muskujve, tendinave dhe ligamenteve.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat