Gjendet një foshnjë në tualetin e aeroplanit, nëna e kishte hedhur në koshin e mbeturinave menjëherë pas lindjes

Ndryshe

Gjendet një foshnjë në tualetin e aeroplanit, nëna e kishte hedhur në koshin e mbeturinave menjëherë pas lindjes

Nga: M.L. Më: 6 janar 2022 Në ora: 10:29
I porsalinduri u dërgua në spital pasi u gjet në tualetin e avionit.

Pas uljes në ishullin Mauritius, një foshnjë u gjet në koshin e plehrave në tualetin e aeroplanit. Nëna e kishte sjellë në jetë djalin e vogël pa u vënë re dhe më pas e hodhi atë, shkruan blick.ch transmeton "Bota sot".

Ishte mes letrave higjienike dhe mbeturinave. U hodh në koshin e plehrave në një tualet avioni të Air Mauritius. Një fëmijë i sapo lindur. Stafi i aeroportit e gjeti djalin gjatë një kontrolli rutinë. Avioni u ngrit nga Madagaskari dhe u ul në Mauritius më 1 janar.

Një fotografi tregon foshnjën e porsalindur të mbështjellë me një batanije. Një stjuardesë po e mban në krahë. Fëmija u dërgua menjëherë në spital dhe u ekzaminua.

Arrestohet një grua nga Madagaskari

Ndërkohë nëna u gjet. Bëhet fjalë për një grua 20 vjeçe nga Madagaskari, siç raporton BBC. Fillimisht ajo mohoi të ishte nëna e foshnjës. Por policia urdhëroi një ekzaminim në spital. Me rezultatin: 20-vjeçarja ka lindur vetëm pak orë më parë. Gruaja erdhi në ishull për të punuar. Ajo ka një leje pune dyvjeçare për Mauritius.

Është e paqartë se pse ajo e hodhi djalin e saj në koshin e plehrave pas lindjes në tualetin e avionit. Pas daljes nga spitali, ajo u arrestua. Ajo akuzohet se ka braktisur një foshnjë të porsalindur. Djali i saj sipas mjekëve është mirë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat